Måndag den 20. juni skal alle dei tre kommunestyra i regionen vår ta stilling til om dei skal danna ein ny kommune saman eller om dei skal halda fram kvar for seg.
Både i Fjell, Sund og Øygarden tek kommunestyremøta til klokka 15.00. Grunnlaget for saka er intensjonsavtalen underskriven av felles forhandlingsutval den 7. mars. Alle formannskapa har innstilt på å søkja om å få danna ein ny kommune med verknad frå januar 2020.
Kommunestyremøta vert haldne i kommunehusa/rådhusa i den enkelte kommune. Straks vedtaka er gjort i kommunane vert informasjon lagt ut på nettsida til Vår nye kommune.
På nettsida til Vår nye kommune kan du lesa dokumenta for saka til møtet den 20. juni.